|
|
Altied onderwegens k Zit achter t stuur van mien auto Het laand stoeft veurbie Ik snitter over weg hèn Der is gain mooier leven veur mie Wel noar mie op zuik is Dij kriegt het flink stoer Want ik zit hoast altied Ien ain of ander vörm van vervoer Ik ben altied onderwegens, man Altied onderwegens, ook al wait ik nait woarhèn Ik stoa achter t toneel Te wachten op mien beurt Haile zoal zit vol En gain mens doarvan het mie ooit heurd Moar net veur ik op mot Kniep ik ter tussenoet Ik stap weer ien mien auto En ik smeer hom zunder groet Ik ben altied onderwegens, man Altied onderwegens, ook al wait ik nait woarhèn Ik ben allain mit mien gedachten As ik ien mien auto rie En as ik oet mien roam kiek Den trekt mien leven as n streep veurbie Wat zol ik hier nog blieven Het is hier staarvens kold Aal mien vrunden heb ik verloren Der is niks wat mie hier nog holt Ik ben altied onderwegens, man Altied onderwegens, ook al wait ik nait woarhèn |